حسان بن عابد: المهارات الغريزية في عالم الحيوان دلالة واضحة على العناية الإلهية (فيديو)
- السبت 23 نوفمبر 2024
- بواسطة جداريات Jedariiat
- السبت 23 نوفمبر 2024
طبيب الغلابة.. قصيدة للشاعر أيمن أبو الدنيا
- جداريات 2
- الأحد 02 أغسطس 2020, 12:47 مساءً
- 991
طبيب الغلابة
هو الكلام فى الناس الطيبة
مين يكتبه
وازاى هنعرف نوصفه
أو نعرفه
هى المشاعر والحنين
لقلوب دواها الطيبين
وناس بتعزف ع الألم
بلسم شفا لكل الأنين
ناس مؤمنين
ناس صابرين
البسمه فى وشوشهم حياه
والنبض جواهم نجاه
والدمعه جوه العين أمان
للمجروحين بلسم شفا
يا مشالى يا نبع الحنان
للغلبانين والمكسورين
يا طيبه معجونه بدم الشقيانين
يا اللى انت كنت الطبطبه
على قلب كل اليائسين
والمحرومين والبائسين
النور ده مش نور جبهتك
ده نور يقينك بالمعين
ازاى قدرت تكون كده
إنسان أمين
إزاى قدرت بلمسه واحده
من إيديك
تكون شفا للعيانين
المقهورين
المكسورين
وتكون سند لكل مسكون بالأنين
الطين فى تكوينك وتكوين كل البشر
مجبول على الطمع اللعين
ازاى قدرت تحوله بساتين فرح
لكل مهموم أو حزين
ازاى قدرت تكون قنوع بالشكل ده
واحنا فى زمان الطماعين
حواليك غيلان بتمص دم الغلبانين
وانت بتمسح دمعهم
بالبسمه والقلب الرحيم
تضرب مثل لكل إنسان بالوجود
الطيبه ما تعرف حدود
دى تجاره رابحه يا مشالى الخير
مع رب الوجود
قدرت تنزع من الطينه الطمع
وزرعت جوه النبض نور محبتك
كل الغلابه حبتك
والدنيا رغم ذهدك عرفتك
وانت الوفى لمهنتك
وانت اللى حافظ كلمتك
عهدك مع المولى
ورحمة ربنا
نور طريقك سكتك
ومشيت فى سكه طويلة صعبه
ولا شوك قدر يسكتك
ولا محنه قدرت تكسرك
والمولى بارك خطوتك
ومحبته
خلت جميع الناس لصدقك حبتك
،،،،،،،،،،،،،،،،،،،
أيمن أبو الدنيا
صباح
أول أيام العيد
٢٠٢٠/٧/٣١
المقالات ذات صله
- بواسطة جداريات Jedariiat
- السبت 23 نوفمبر 2024
- بواسطة جداريات Jedariiat
- السبت 23 نوفمبر 2024
- بواسطة جداريات Jedariiat
- السبت 23 نوفمبر 2024
- بواسطة جداريات Jedariiat
- السبت 23 نوفمبر 2024
- بواسطة أحمد نصار
- الجمعة 22 نوفمبر 2024