لمياء السعيد تنتقل من ميدان الرعب إلى الكتابة الساخرة

حول كتاب "الإجابة القرآنية".. 150 دولارا جائز المركز الأول في مسابقة قراء حصين

الخميس 02 مايو 2024

رئيس مجلس الإدارة

أ.د حسـام عقـل

هل يصلح القرآن لكل زمان ومكان؟.. حلقة جديدة على منصات رواسخ

الخميس 02 مايو 2024

لمياء السعيد تنتقل من ميدان الرعب إلى الكتابة الساخرة

كتب وكتابات

جداريات Ahmed

الخميس 02 يناير 2020, 12:42 مساءً

1069

الروائية لمياء السعيد وكتابها الجديد

اشتهرت بكتابتها وروايتها التي حققت مبيعات كبيرة في عالم أدب الرعب ، تمتلك أدواتها بحرفية شديدة، تقدم وجبة أدبية تنم عن كاتبة شابة سنا وكبيرا في عالم الكتابة أنها باختصار الروائية لمياء السعيد مديرة دار نشر السعيد ، صدر لها حديثا كتابه الساخر الأول " يوميات شابة منحوسة في شوارع المحروسة " وعن هذا الكتاب تقول "السعيد" :أحب أعرفكم عن نفسي الأول أنا لمياء كل الأحداث اللي سوف تقرؤها بعد كده دي من واقع حياتي الجميلة أنا كاتبة لكم خلاصة الخلاصة لتجربتي الأليمة مع مدينة القاهرة

طبعا حد هيسأل ليه هو حضرتك أجنبية ؟ هقول له لا أنا نشأت وترعرعت في كفر الشيخ ، المهم هناك الدنيا هادية والناس بالها رايق مفيش استعجال ولا مواصلات تقريبا إلا التاكسي ومفيش زحااااااام خالص الناس هناك بتقابل بعض كل يوم صدفه مفيش مواعيد مفيش ميكرو باصات مفيش مترو مفيش ذات نفسه مش موجود هناك المهم

أعرفكم بنفسي بقي حد هيقول لي ما أنت عرفتينا مره هقول لك فعلا أنت عرفت اسمي بس معرفتنيش

طول عمري من الناس اللي بنقول عليهم مدهولين ومفردها مدهولة و كده كانت دائما بتقولي أمي ربنا يخليها لي

طبعا سر التسمية ده مش من فراغ لأني ببساطة من النوع اللي لو دخل جاليري مثلا أو محل تحف أو أي شيء يتكسر تحس إن الشعب كله بيدعي إني أخرج من غير خسائر في الأرواح

وغالبا ده مش بيحصل وبطلع يا إما بعد ما اعتذر بخمسة آلاف آسفة أو بخرج دافعه تمن حاجات كانت مقتنيات المهم

الموضوع كان بيتداري ويقتصر علي خسائر بسيطة ، حتى جئت إلى القاهرة وهنا كانت الأهواااااااال .........بلا مبالغة

طبعا حد هيقول لي إيه يعني عملتي إيه في القاهرة هنا بقي هقول لك استني أما أحكي لك وأنت تحكم طرطأ بقي ودانك وركز معايا

الكتاب يتناول بشكل ساخر انتقال الكاتبة من المحافظات الي القاهرة وان كانت هذه المواقف تمثل كارثة وصعوبة شديدة وقت حدوثها لصعوبة التأقلم في زحام القاهرة ولكن الكاتبة طوعتها بشكل ساخر لتحكي كيف واجهتها وكيف استطاعت التاقلم وبناء عمل واصدقاء وعالم جديد

والجدير بالذكر أن لمياء السعيد عضو إتحاد كتاب مصر و تعد من كاتبات أدب الرعب القلائل بالوطن العربي. للمياء العديد من الإصدارات المتنوعة بين المجموعات القصصية والروايات فقد صدر لها مجموعتان قصصيتان عام 2013 بعنوان "عذاب الاشتياق والرحيل" وصدرت لها الرواية الأولى وتحمل اسم "القارورة" عام 2014 وهي رواية من أدب الخيال العلمي والفانتازيا. صدرت للمياء السعيد عن دار الأطلس فى نوفمبر عام 2015 رواية "التربي" وهي الرواية الأولى التي تم تصنيفها على أنها رواية واقعية من واقع حياة دافن الموتي، وقد تجاوز عدد طبعاتها 10طبعات منذ إصدارها وحتى الآن كما تم الاتفاق علي تحويلها إلى مسلسل تلفزيونى.