آخر الاخبار .. محمد شاهين يشارك في معرض تونس بـ «منهجية الوصول إلى الحق» هيثم طلعت: إنفاق المال في سبيل الله يشعر الإنسان بالأمن ويذهب عنه الحزن أحسن تقويم.. هشام عزمي يتحدث عن فائدة "الإنزيمات" لجسم الإنسان (فيديو) كيف تعرف أن في بيتك ملحدا.. وما هي أنواع الإلحاد؟.. عمرو شريف يكشف اتحاد طلاب طب طنطا ينظم مسابقة لمواجهة ظاهرة الإلحاد عمرو شريف: حركة الإلحاد العالمية صناعة أوروبية «تنشيط الرحم وطاقة الأنثى واليوجا».. هيثم طلعت: هذا ملخص ثلث الكفر في العالم (فيديو)
  • الأربعاء 24 أبريل 2024
  • 15 شوّال 1445

محمد شاهين يشارك في معرض تونس بـ «منهجية الوصول إلى الحق»

  • الثلاثاء 23 أبريل 2024
logo

رئيس مجلس الإدارة

أ.د حسـام عقـل

هيثم طلعت: إنفاق المال في سبيل الله يشعر الإنسان بالأمن ويذهب عنه الحزن

  • الثلاثاء 23 أبريل 2024

شعبان القاص يكتب: عم حجازي والإلحاد (1)

مقالات
  • أحمد الفولي
  • الأحد 08 ديسمبر 2019, 6:54 مساءً
  • 2768
شعبان القاص

شعبان القاص

رتبت كل أفكاري وصغتها في مقالات وحوارات وعزمت على السفر، وكالعادة ذهبت إلى عم حجازي بركة بلدنا أسلم عليه وأطلب منه الدعاء، حين رآني مقبلاً بادرني:

-      مسافر؟

-      أيوه ياعم حجازي

-      راح تعمل أيه المرة دي؟

-      أما أنا جهزت شوية أفكار عن الإلحاد إنما راح تعجبك، راح  عرضهم على د. حسام ينشرهم في الموقع معندكش فكرة يا حاج فيه شوية مثقفين عملين عمايل سودة ول...

قاطعني الرجل وهو يبتسم:

-      طيب قوي دكتور حسام ده ابقى سلم لي عليه ههههه هههه ههههه.

-      انت بتتريق يا عم حجازي ولا إيه؟

-      أنا! لا والله يا ولدي بس أنا شايف أنكم غفلانين عن المجرم الحقيقي في الموضوع ده.

-      مين ده يا عم حجازي؟

-      بعدين أقولك ماهو أنا لازم أشوفك تاني ههههههههههههههههه

-      قل لي يا عم حجازي لو قعد قدامك واحد ملحد تقول له ايه؟

-      ببساطة كده أقول لك وله كيف تنكر حاجة أنت نفسك تعملها؟

-      مش فاهم

-      أنت نفسك بتتمنى تبقى إله

-      لأ لأ دي جامدة عليّ يا عم حجازي

-      محصلش قبل كده إنك بتشوف ناس حبايبك فقرا وراكبهم الهم فتقعد تفكر وتخطط وتسبب الأسباب علشان يكسبوا قرشين يسعد حالهم شوية؟

-      الله الله يا عم حجازي وإيه كمان؟

-      تمام زي الوالد ما بيرتب الأحداث لولده علشان يفاجئه بحاجة كويسه، من غير ما تحس تلاقي نفسك بتحب تبقى إله صغير.

-      لا مش معقول

-      طيب إنت لما بتشوف حد ظالم مش بتقعد في أحلام اليقظة تشوف نفسك كده قادر وتنزل فيه ضرب وإهانة.

لم أتمالك نفسي من الضحك وصحت:

-      أي والله يا عم حجازي ساعتها نفسي أبقى...

-      أهو كلمة نفسك دي هي مربط الفرس كيف الواحد مننا ينكر حقيقة الإله القادر وهو نفسه يتمناها، باختصار يا ولدي ربنا هو كل اللي نفسنا فيه وما نقدر نكونه.

-      طيب يا عم حجازي هو فيه ملحد بيفكر في الحاجات الحلوة دي.

-      فيه يا ولدي ما عدا المجرم الحقيقي

-      مين دا يا عم حجازي؟

-      مش قلت لك بعدين، بعدين يا ولدي.

نحيت ما كتبت جانباً وكتبت كلام عم حجازي وعندي أمل ألحق أقعد معه لأعرف منه من هو المجرم الحقيقي الذي يقف خلف هذه الظاهرة.

المقالات ذات صله

تعليقات