باحث بملف الإلحاد: الفرائض في الإسلام أبرز الأدلة على صدق نبوة محمد صلى الله عليه وسلم
خطيب الجامع الأزهر: أعداؤنا يريدون شبابنا بلا هوية حتى يسهل عليهم النيل من أوطاننا
أفلا تبصرون| رحلة الفراشات الملكية.. مغامرة مذهلة عبر الزمان والمكان!
الفرق بين «كلما» و«كل ما» في القرآن الكريم
قوات الاحتلال تقتحم صحن قبة الصخرة بالمسجد الأقصى تزامنا مع خطبة الجمعة اليوم
هيثم طلعت: التنويريون والنسويات جعلوا المرأة مرحاضا مجانيًا لشهوة الرجل!
رئيس مجلس الإدارة
أ.د حسـام عقـل
كنت في شوق للحديث مع عم حجازي لأسأله عن
المجرم الحقيقي الذي قال إنه يقف وراء ظاهرة الإلحاد، وعن سبب تأثره الشديد عندما جابت واحدة من الملحدين سيرة السيدة صفية
بنت حيي، في هذه المرة كانت الدنيا شتاء، جلست معه على الأرض، بجوار المدفأة البلدي،
نحتسي الشاي باللبن، وبينما كان عم حجازي يتمتم بحمد الله تذكرت أحد الملحدين وهو
يقول على حسابه في "الفيس" في شيء من الاستفزاز:
" ونحمد العلم الذي جعل
وجودنا صغيرا, لم يعد للبعد الواقعي قيمة فوفر لنا معجزة التواصل السايبيريه وجعلها
متاحة بضغط إصبع."
ابتسم عم حجازي وهو يسمع "نحمد العلم"
ثم قال وقد تحول الابتسام إلى ضحك:
على كده لو كان قاعد معانا يشرب اللبن الصابح
ده كان قال نحمد الجاموسة اللي جابته ههههههه
جاريته في فكاهته وقلت: ولو حس بالدفا
اللي إحنا فيه كان نزل وباس النار اللي عماله تشعلل دي.
ارتسم الحزن على وجهه فجأة وقال : كويس إنه متفق معانا على إننا نشكر كل من له فضل علينا، وعلى كده بيفتكر لما يشرب بقول
نحمد الميه؟! ولما ياكل يقول نحمد الأرض اللي طلعت لنا كل حاجة حلوة بناكلها؟! ونحمد
الشمس... ونحمد القمر ونحمد الهواء... قاطعته بلهفة:
فكرتني والله يا عم حجازي بمذهب وحدة الوجود!
- ايه وحدة الوجود دي يا ولدي؟
- دا مذهب في التصوف الفلسفي بيقول ان الله والمخلوقات حقيقة واحدة، وان المخلوقات دي كلها ظل للوجود الحقيقي اللي هو وجود الله، تصدق يا عم حجازي برغم اختلافنا مع أصحاب المذهب دا، إلا إنهم أحسن بكتير من الملحدين اللي بيشكروا كل المخلوقات
ولا يشكرون خالقها!
- معاك حق يا ولدي على الأقل إحنا وهم مع كل نعمة نستمتع بها بنقول الحمد لله، أما الملحد ما بيشوف قدامه
غير السبب المباشر للنعمة، فيشكر الجاموسة
ويشكر النار والكهربا وغيره وغيره.
- كونهم يغلطوا في وصف ربنا ويشبهوه بمخلوقاته أو يخلطوا بينه وبينهم دا أقل جرما من اللي بيكفروا بيه ويجحدوه ظلما واستكبارا،
- لكن فيه حد من المسلمين
تبع المذهب دا يا ولدي؟
- أشهرهم ابن عربي، لكن بيقولوا إنه رجع عنه أو إنه كان
يقول بوحدة الشهود يعني أنه لا يرى أن للمخلوقات وجود أوضح من وجود الخالق.
- يعني هو يرى بقلبه؟
- أيوه يا عم حجازي
- الله الله
- نرجع لأصاحبنا اللي بيحمدوا العلم؟
- ربنا يهديهم
- دايما تلاقيهم يعيّرونا إحنا المسلمين إننا متخلفين وإن سبب تخلفنا
هو ديننا ويسبوا ويشتموا ربنا وسيدنا النبي
- رجعنا تاني لقلة الأدب وقلة الإنصافز
- هم دايما كده يا حاج
- يعني لما حد يكون بيحس بالنعمة ويشكر صاحبها دا يجي منه ومتنساش
إن القلوب بيد الله، ومتنساش إن إحنا علينا واجب لازم نعمله
- يعني يا مولانا لو قدرنا نتقدم وننجح ويبقى عندنا تكنولوجيا راح
يعرفوا ان دينا هو ال...
- يا ولدي التقدم والنجاح
مش بس تكنولوجيا، التقدم هو النظام والعدل والرحمة هو اتقان العمل زي ما قال سيدنا النبي، هو عمل
الخير والمعروف مع كل الناس واللي يمنعنا من
كده هو المجرم الحقيقيز
- طيب ايه حكاية ستنا صفية؟
- لا دي حكاية لازم تكتبها انت في رواية ، ولا عاملي نفسك أديب وخلاص؟!
- قمت من عند عم حجازي وأنا عازم على أن أقوم بواجبي.
