الرد على أسئلة الأطفال.. كيف جئنا إلى الدنيا ولماذا لا نرى الله؟

سَنُرِيهِمْ آيَاتِنَا فِي الْآفَاقِ.. ماذا يحدث لعين الإنسان عند النوم؟ (فيديو)

الأربعاء 13 نوفمبر 2024

رئيس مجلس الإدارة

أ.د حسـام عقـل

أفلا تبصرون.. هكذا اتصد الخنافس النمرية هجمات الخفافيش

الأربعاء 13 نوفمبر 2024

الرد على أسئلة الأطفال.. كيف جئنا إلى الدنيا ولماذا لا نرى الله؟

مكافحة الإلحاد

جداريات Jedariiat

الأربعاء 13 نوفمبر 2024, 10:06 مساءً

الباحث محمد صالج، وابنه البراء

كيف جئنا إلى الدنيا؟.. أو بمعنى عامي "أنا جيت الدنيا إزاي؟ سؤال يخطر على ذهن الأطفال بين الحين والآخر ويحتاج في إجابته إلى فطنة لبناء وعي الطفل وتحصينه ضد الشبهات.

وفي هذا الصدد نشر الباحث في ملف الإلحاد، محمد سيد صالح، ردًا على هذا السؤال الذي طرحه ابنه البراء، في حوار دار كالآتي:

البراء: أنا جيت الدنيا إزاي يا بابا؟!

•أنت جيت يا حبيبي عن طريق حاجة اسمها الأخذ بالأسباب ربنا جعلها في الدنيا، فلما أخذنا بأسباب الإنجاب ربنا وفق وخلقك.

البراء: يعني إيه أسباب؟!

•لو أنت عطشان ها تعمل إيه عشان تشرب؟

البراء: ها روح أجيب مياه.

•أهو مشوارك من مكانك لغاية الثلاجة عشان تجيب مياه اسمه الأخذ بالأسباب.

البراء: طيب مين اللي جاب ربنا؟

• هاسألك سؤال يا حبيبي: لما بنحب نخلي طعم كوب الشاي حلو بنعمل إيه؟!

البراء: بنحط عليه سكر.

•طيب لما نحب نخلي طعم السكر حلو هانحط عليه إيه؟!

البراء: ازاي ده السكر أصلًا طعمه حلو فهو مش محتاج حاجه تحليه.

• شاطر حبيبي أهو كده تمامًا زي ما كل حاجة عاوزين نحليها بنحط عليها سكر لكن السكر مش بيتحلى بشيء لأنه مصدر الحلو، الله عز وجل هو اللي خلقنا وخلق كل حاجة في الكون فامينفعش حاجة تخلقه لأنه مصدر الخلق الواحد الأحد الأول.

البراء: طيب ليه مش بنشوف ربنا؟

•عارف يا حبيبي النملة اللي انت بتقعد تعاكسها وهي الأرض؛ ينفع النملة دي تشوف سقف الصالة؟

البراء: لا ماينفعش.

•ليه؟!

البراء: عشان هي صغيرة وعيونها تحت صغيرة.

• أهو كده بالظبط إحنا صغيرين أوي وربنا كبير أوي زي ما النملة مش بتقدر تشوف الحاجات الكبيرة أوي أو البعيدة عنها والأعلى منها، إحنا كمان ماينفعش نشوف ربنا لأن هو الأعلى، مش انت بتقرأ في القرآن ( سبح اسم ربك الأعلى ).

البراء: تمام يا بابا شكرًا فهمت الحمد لله.